Çaste poetike me poeten;Lubi TOTA

SA MË DHËMB AI LOT I NDARJES

————————————————–

Sa më dhëmb ai lot i ndarjes.

Zemra dysh më ka coptue

Marr një laps edhe një letër,

Dy fjalë shpirti me ti shkrua .

Dal në derë e vështroj rrugës,

Ku ka shkelur këmba jote,

Lot prej mallit përvëlues,

Mallkoj rrugët e kësaj bote,

Lotët shpesh vijnë prej vetiu,

Se një mall më djeg në zemër.

Ah’ gurbet ti qofsh mallkua

Tu harroftë ai i ziu emër.

Sa më dhëmb ai lot i ndarjes,

Përqafimin se harroj dot,

Marr të shkruaj ty një letër

E ngjyej penën nëpër lot,

Trandafilat që kanë çelur,

S’kan aromë,s’kan lezet,

Më mungon prania jote,

Malli e dhimbja po më vret,

Numëroj ditë, numëroj muaj,

Edhe vitet i numërova,

Sa më dhëmb ai lot i ndarjes,

Ditë e natë për ty lotova.

/www.QendraPress.com/