E mërkura poetike me poeten:- Arjana Fetahu GABA

As zog s’të vjen të viziton

————————————

Ikin vitet,

Si gjethe të një vjeshte të trishtë,

Pa kthim,

Si e marrë poshtë e përpjetë ikën jeta,

Me rrokullimë.

Atëherë kupton, kur nata ngryset,

Diçka të mundon,

Ikin gëzimet,

Zvogëlohen miqtë,

Dhe fryma ngushton.

Nga ajo kujtesë që u mburrje,

I lumtur je që ke harruar,

Ca plagë që të jepnin dhimbje,

Dhe pse t’kishin burrëruar.

Dhe ti ecën ,

Përtyp në mëndje,

Copëzat e ditëve më të këqija,

Dhe thua,

Më mirë që shkuan,

I di vetë punët perëndia.

Paçka se t’kurrem si ditë dimri,

E rrudhem si kalli i thatë,

Në ditët e mia më të keqja

S’mendova kurrë “se kam të gjatë”.

Ka kohë si copëza të një enigme,

Syri më ndahet,

Sa herë e kthej kokën mbrapa ,

Më qahet..

Tashmë në karrige që lëkund pleqërinë,

Pak perde të hapur shpirti kërkon,

Mbi xhamin pluhurosur ,

Nga erërat,

As zog s’të vjen të viziton!

/www.QendraPress.com/