Fryma poetike e së dielës me poeten:-Irena HOXHA

KUR NGJIT BUZA

————————–

Në të parë, e në të shkuar,

si një re e shkarkuar,

në të prekur e në të ndjerë,

si një prush i përzier!

Nê të thithur kur ngjit buza,

përvëlon e djeg si shpuza!

&   &     &

NDODH NDONJËHERË

———————————–

Ndodh ndonjëherë, ti lësh ëndrrat në mes,

si e dremitur,

e ndihen, si një gotë e kristaltë, e plasaritur!

Ndodh ndonjëherë të psherëtish,

si oshtinë malet nga era,

në portat e muzgut që të dërgojnë,

në monopate të tjera!

Ndodh ndonjëherë, të fshihesh,

si Hëna përmes reve,

dhe si një krismë të shkarkosh,

ndërmjet rufeve!

/QendraPress.com/