Çaste poetike me poeten;-Fitore HAKLAJ

KUJTIME

————————–

Sa mall që kam

Për aromën e shtëpisë

Për lulen e pranverës

Muret me gurë të pa thyeshëm

Rrugët plot baltë e gropa

Faqet tona kuq si molla

Sa mall që kam

Malli për vitet e fëmijërisë

Ecja asaj rruge me shoqe

Mendja fluturonte e lirë

Këpucët e ndara në dysh

E buzëqeshja nuk mungonte kurrë

Sa mall që kam

Malli për aromën e bukës

Sofra e mbushur dashuri

Bisedat afër stufës së skuqur

Gështenjat e ziera përmbi

Ngadalë u shkrija aty

Sa mall që kam

Malli për bjeshkën time

Dorë për dore me gjyshin tim

Sytë nuk lodheshin nga hapësira

Çdo zë nga larg që dëgjohej

Ishte muzikë për veshët e mi

Sa mall që kam

Malli nuk shuhet më

I mbylli sytë e ju kujtoj sa herë

Ju shfletoj me dashuri

Edhe njëmijë herë nëse kisha lind

Aty do kisha dashur të jem

Sa mall që kam!

/QendraPress.com/