Çaste poetike me poeten;-Bujana MALAJ

MARSI…..]

————————-

Në penxhere rreth sabahi

një bylbyl zbritun nga mali

tufë me lule më dhuroj

muaj t’mbarë me shpirt uroj.

Ciu ciu ciu n’penxhere tjetër

ma gëzofsh moj çikë pranverën

pak borë bjeshke të zbrita poshtë

mbarë e mirë Marsi të shkoftë.

Si këto lule ngjyra ngjyra

jeta është si vetë natyra

herë bjen diell e herë bjen shi

sikur jeta gëzim e mërzi.

Edhe pema dimnit loton

vjen pranvera nis e g’zon

Marsi i gjatë 31 ditë

dashuron siç dashnojnë t’ritë.

Edhe Marsi huqe ka

i thotë vetit me u shpërla

fillojnë pleqtë me i dashtë shumë plakat

një nga një ju bien pllakat.

I thotë plaka ç’ke mor plak

deri m’ramë m’ke dhan “dajak”

t’nisim Marsin mirë e qetë

t’pata shok e mik në jetë.

/QendraPress.com/