Çaste poetike me poeten;-Shpresa Fundo GJERGJI

Ajo
——————
Në fund të fundit nuk më duhet të ndryshoj gjë!
Unë jam ajo!
Ajo,
që brenda ëndrrës ëmbëltohet në paqe,
Që energjinë e kthen në fllad…,
Aty ku bota e saj shpërfaqet,
Ti, gjen qetësinë tënde të art.
Jam po ajo,
Ajo që sytë e tu shohin…,
Që padyshim,
dikush tjetër s’mund ta shohë sikurse ti!
E ndërsa sytë e mi do të të zgjonin,
Unë prapë, ajo jam, pa përsosmëri!
Ti e di, e di mirë,
unë ajo jam!
Ajo, që jo gjithkush do të donte ta shihte me syrin tënd.
Lumi ynë rrjedh pa u ndalur,
e rrjedha e tij gjurmët ka lënë.
Duke rrjedhur e gërryer ka bërë vend,
Ashtu vështrimi yt, tek unë ka mbetur,
E unë në vështrimin tënd,
aty jam tretur.
Jam vërtet ajo që përpiqet të jetë,
më e mirë, më e matur…,
Sepse më ke parë me sytë e zemrës,
siç ti, gjithmonë më ke dashur!
/QendraPress.com/