Çaste poetike me poeten:-Mimoza ZYMERI
PARFUMI I KUJTIMEVE
—————————————
Në ajër endet një aromë e ëmbël
Si një shpirt që ndjek hapat e së kaluarës
Një erë e butë e mbushur me pasion
Përqafon kujtimet që nuk shuhen kurrë
Parfumi yt më flet pa fjalë
Më përqafon me ngrohtësinë e njohur
Edhe kur era m’i rrëmben mendimet
Mbetet shenjë e pashlyeshme në shpirt
Një aromë që zgjon mallin më të thellë
Një ndjenjë që mbetet gjithmonë e gjallë
Si një premtim i fshehur nën lëkurë
Një kujtim që ka vlerë por nuk ka çmim
/QendraPress/
