Fryma poetike e së dielës me poetin;-Gëzim AJGERAJ

MJEGULLSHITËSIT

—————————-

Ish tërbuar ujku e kish zënë paniku

Ishte mbytë zhgënjimit e pengonte drita

Pyllit në errësirë, kohë të gjatë ish mësuar

Kishte trashë dhe qafën, se mbarë i kish shkuar

Kur ia prenë pyllin, mbeti mbi lëndinë

U tërbua kokëziu, çfarë të bënte – s’dinë!

Nga tërbimi i egër u bë si i marrë

Nga goja hidhte mjegulla, kundër dritës së bardhë

Herr çirrej nga dhëmbët e herë nga e pasmja

Kundërmonte pylli nga aromat e përdala

Dikush tha një ujk, diku ulërin

Nga mjegulla e fryma, pylli kundërmon

Ka dhe ujq të tjerë me dy këmbë mbi tokë

Nga mjegullat e tyre qyteti kundërmon

/QendraPress/