Çaste poetike me poeten;-Mimoza Panahori XHINDI

Thelbi i njeriut

————————————-

Askush nuk është i përsosur..

Prandaj s’ka njerëz të gjallë në muze

Sepse perfeksioni është i ngrirë

E njeriu – lë një gjurmë që ecën..

Thelbi i tij nuk është të mos bjerë

Por të ngrihet, të reagojë

Të reflektojë mbi plagët e veta

Të revoltohet kundër vetmisë dhe heshtjes.

Edhe fabulat më të bukura që kemi thurur

Nuk u ndërtuan mbi përsosmëri

Por mbi veprimin e lënë pezull

Mbi etjen për të kuptuar e për të ndryshuar.

Thelbi i njeriut s’është pasja në pasuri

Është lodhja, përpjekja, për të jetuar

Siç thelbi i jetës s’është përjetësia

Por trashëgimia që lëmë pas,plot krenari

Është mirësia dhe përmirësimi që i dhurojmë botës

Prandaj mos kërko të jesh i përkryer

Por i gjallë plot ambicje dhe shpres për jetën

Mos ëndërro të vësh pasuri

Por të guxosh të fillosh të jetosh sërish.

M.Xhindi

/QendraPress/