Çaste poetike me poeten;- Afërdita Bashota-PODVORICA

PENDIM I GABUAR

————————————

Çfarë pret më nga kjo botë

Kur fajtori fle rehat

E i mashtruari rri zgjuar

Dhe kërkon fajin në shtrat

Kur ai që hëngri besën

S’mban as brengë në sy

Po ti që i besove vërtet

Të duket toka turp për ty

Ti kërkon ku gabove

Ndonëse ishe i drejtë

Ai vazhdon me të tijat

I larë, si me shi të lehtë

Kjo botë është e çuditshme

E bën të ndershmin fajtor

Ia jep pendimin të ndriturit

Dhe shfajëson mashtruesin pa zor

Por mos u mërzit, o mik

Ka diçka që ata s’e kanë

Ti ke një zemër që dhemb

Që nuk hakmerr por falë

/QendraPress/