Çaste poetike me poeten;-Mimoza Panahori XHINDI

Jeta ndryshon

———————————–

Mos thuaj se jeta nuk të ndryshon

Se je gjithmonë i njëjti njeri

Se zemra nga stuhitë , filloi të dridhet

Kur plagët e saj,s’di askush t’i shërojë.

Dhimbjet të ndryshojnë pa zhurmë

Si erë që të lënë pa frymë

Gjërat e këqija të braktisin

Ato mbeten hije në shpirt.

Koha dhe njerëzit ndryshojnë

Si stinët që kurrë s’janë të njëjta

Njeriu i zemrës tē largohet pa kthim

I cili të dhuronte në shpirt vetëm dritë.

Dhe jeta ime ndryshoi

Si lumi që kurrë s’ka të njëjtën rrjedhë

Çdo ditë mbart në shpirt një fytyrë të re

Një mësim të heshtur, një kujtim të ri.

Një gjë është e sigurt,nē këtë jetë

Sot nuk je si dje,ndaj shiko para ..

Se nesër nuk do të jesh si sot.

Ky është misteri i kësaj jete

Që jeta, gjithmonë,

na mëson të rritemi.

/QendraPress/