Çaste poetike me poeten;-Lindita Kurti MEMA

Përgjigja e hënës.

————————————

Jetën të vlerësoja,ashtu siç duhej

më duhej nga afër vdekjen të shihja

copëzat e së djeshmes plot dhimbje të mblidhja,

me hënën netëve, lotuar tek flisja.

Në botën e tij i thosha, dua të hyj

që dielli në shpirt ti depërtoj

po hëna më dha, të zezën përgjigje

shpirt-dëshira ime, mes misteresh agoi!

Përgjigja e saj, ishte e natyrshme,e thjeshtë

sa e kuptojnë gjithë yjet dhe gjallesat në tokë

te jetosh me një grua, nëse do ishte e lehtë,

përjetësisht do ish lidhur dhe i madhi Zot.

/QendraPress/