Fryma poetike  e së dielës me poeten;Shqipe BYTYQI

SREBRENICA

(Në 30 vjetorin e masakrës)

——————————-

Zonjë, je vonuar të vish këtu

pas nëntë rrathësh ferri

që ata kësaj toke sollën

E pasi farën e tyre mbollën

tokën, si me thika, e prenë

dhe ikën, u larguan ata, zonjë

Shkuan, jo larg nga këtu

shkuan drejt Kosovës

me urrejtjen në shpirt mbërthyer

me dëshirën e gjaktë

me atë që më së miri dinë

vrasje kombesh

e pushtim tokash

Drejtësi, je vonuar të vish këtu

Ata, edhe në këtë shekull

duan ngjitje në skenë

të njëjtën dramë për të shfaqur

me të njëjtin epilog

Zonjë, shiko me kujdes

sytë e tyre

etjen për gjak

zonjë…

Pastaj ra nata

Kurrë nuk e kuptova

a mund të prehen shpirtrat në terr

/QendraPress/