Fryma poetike e së dielës me poeten;Albina TREBICKA
FJALET e HESHTJES
—————————————
Thërrmoj heshtjen në mijëra grimca
I mbledh grimcat që t’i bëj fjalë…
Që të mbush boshllëkun e ditës
Dhe pritë… t’i bëj natës së gjatë
Thërrmoj ëndrrën në mijëra grimca
I mbledh grimcat t’i bëj POEZI
Të mbush plot shpirtin e miqve
Me buzëqeshje, vargje, dashuri
Dëgjoj heshtjen e thërrmuar
Që flet e flet me mijëra fjalë
Nxitoj hapin me hapat e ditës
Të kap ritmin sa më parë…
/QendraPress/
