Fryma poetike e së dielës me poeten;-Raimonda BRAHA

Udhëtim drejt Atdheut

——————————

Udhëtoj mijëra kilometra,

me zemrën plot dashuri,

po kthehem në atdhe,

te nëna, te babai im ,

drita e shtëpisë,me mbush me gezim .

Kilometrat më duken metra,

e koha si muaj që s’kanë fund.

Dua të mbërrij shpejt,

të ndjej aromën e tyre,

ta shuaj mallin që më djeg shpirtin,

e të mbush zemrën plot,

e zemra të flerë e qetë në shtëpinë ku u rrita unë.

Atje jam mbretëreshë e vërtetë,

bijë e kësaj shtëpie,

rritur me frymë dashurie.

E ky mall…

E këto rrugë ,

qofshin të bardha, qofshin të bekuara!

S’më braktisën kurrë,

as në stinët e harruara…

As kur dielli përvëlon,

e buzët thahen nga etja,bëhen shkrumb .

As në stuhi,

kur xhami i makinës humbet vijat

nga mjegulla e shiu.panik pa fund …

Koha ecën , nuk ndalon,

e kilometrat shndërrohen në hapa të lehtë…

O rrugë , qofshi përherë të bardha!

Ju që më ktheni tek rrënjët,

tek dashuria që s’venitet kurrë,

se malli bëhet shtëpi

kur larg jeton ,ditët në kalendar numëron .

/QendraPress/