Çaste poetike me poeten;-Bujana MALAJ

KU MË HUMBE……

————————-

Ku më humbe moj e mirë

me valë deti mu ngatrrove

n’zall e n’ranë po rri i shtrirë

kujtoj vaktin kur m’përqafove.

Vala detit fort të thithi

e nuk di se ku të çoj

ndoshta mbreti ty të priti

eci bregut nuk t’shikoj.

Nxirre kokën përmbi valë

hape syrin më shikon

ikën ditët s’të kam parë

vetëm hëna m’ledhaton.

Edhe hëna n’drroj shtëpinë

u largu pa m’thënë një fjalë

të dy ishim dashuruar

unë në diell ti në hanë.

Mos më prit , meqë s’të pres

tash në zall emnin ta shkruj

sa të kthej kokën nga pas

emri yt shkrihet në ujë.

Dil moj hanë e mos u fsheh

shtratit detit lëshoj rrezen

dhe në pafsha nuk më njeh

largojnë vitet njëra tjetrën.

/QendraPress/