Çaste poetike me poeten;-Xhemile ADILI

KAQ SHUMË JE VONUAR, SHEJTAN!

————————————————-

Sonte

Lidha nyjë të gjitha vetëtimat,

Derdhur qiellit

Dhe i ktheva në miliona puthje

Dhe t’i nisa natën me dritën e hënës,

Që ta qetësoj atë shpirt të trazuar,

Nga mungesa ime e gjatë.

U ktheva në rreze hëne

Dhe nga dritarja ime

Zemra ime të këndonte ninulla,

Me rrahje zemre.

I trembur më pyeti:

Po ti si erdhe?!

Të kërkova tokës,

Më erdhe qiellit,

Bashkë me miliona puthje

Ti, hyjnia im!

Të zbresim në tokë tani!

Nuk di a më the a të thashë,

Po në sytë e tu,

Ndritur nga vetëtimat,

Lexoja përgjigjet e pyetjeve të mia:

Kaq shumë je vonuar, shejtan!

/QendraPress/