Çaste poetike me poeten;-Sherife ALLKO

Premtime të heshtura

————————————-

Universi noton në një hapësirë të mjegulluar .

Toka fluturon mbi orbitën e saj ,nuk mund të ndalet

“Arroganca njerëzore e bën kohën tekanjoze .

Nuk ka më stacione qëndrimi për të zbritur .

Bota,një busull e heshtur e hapave të mi .

Në shikimin tonë ditët lulëzojnë me zor .

Historinë e kohës, të tjerë do ta shkruajnë,

në netët e mia të ftohta .

Ndoshta mendoni se janë

 premtime të heshtura ,në harresë ,

Jo,ne jemi midis të djeshmes dhe të ardhmes ,

rigjenerojnë brezat në prezencën tonë .

Ata, janë jehona e shekujve të rinj ,

që nuk shuhen kurrë ,

por mbjellin shpresën e së ardhmes .

Bota,nuk mund të rrijë e të flejë

,në premtime të heshtura .

Era e së bukurës ,e ripërtëritjes

do fryjë mbi petale lulesh të paçelura ndonjëherë ,

Valët e deteve dhe oqeaneve ,

do jenë dëshmitarë të kohës romantike

,nën qiellin horizonteve të përflakur .

Ndoshta një ditë do më kujtoni ,

por jo si e gjallë ,

Por si një majmun i vjetër i kohës së shkuar ,

E balsamosur mbi baltën e argjiltë ,

Me premtimet e heshtura,si një paraardhëse .

/QendraPress/