Fryma poetike e së mërkurës  me  poeten;-Vilma NIKA

Dritë mbetur.

(Lasgush Poradecit).

———————————–

Të bukurin qytet madhëruar

me copëza parajse përrallore,

Poradec i Lasgushit shkruar

gdhendur mjeshtërisht prej dore.

Ç’u ndjeva aq e vogël pranë teje

a thua më vështron dhe je gjithkund.

Liqeni pasqyronte vargje zemre

në fundin e përmalltë që të përkund.

Unë e menduar lehtë u ula

në parkun ku akoma kishte jetë.

Me zemër muzës tënde iu përula

u ndjeva si një flutur krahëlehtë.

Poetët gjithë mbenë udhëdritë

të veshur me mentelin madhështor.

Me muzë i mëkojnë dashuritë

si Lasgushi vargut dritësor.

/QendraPress/