Fryma poetike e së mërkurës  me  poetin;-Sabit RRUSTEMI

DJEPI I DRITËS QË S’PËRENDON

—————————————-

E pyetën Nënën Terezë

të Shenjtën tonë

ç’bëre për Shqipërinë

gjatë gjithë kësaj kohe

që i mungoje

Ajo

me një mal rrudha e brenga

në fytyrë e në shpirtin e Saj

me një buzëqeshje që paqton

ju tha me një urtësi mitike

Jam lutur për Të

e për Popullin tim

përditë e përnatë

s’e kam harruar

as edhe një trohë herë

Kudo që kam shkuar

a kam trokitur

nuk jam fshehur nga Gjaku im

shqiptare jam

E kam thënë me zë

me zemër

e me dokument

Dashurisë sime të përjetshme

Hyjit tim që m’frymëzon

sa herë kam rënë e jam zgjuar

përmes lutjes iu kam drejtuar

Shqipërinë time

ma kthe në udhë të mbarë

ma shëro

nga ajo sëmundje që po e verdhon

M’i jep shpresë

e ma mbajë në Prehër

se është Dhe i lashtë

është djepi i dritës që s’përendon

Dhe Fuqisë më t’madhe n’Tokë

po përmes Lutjes

ia kam thënë në katër sy

“Bëje për Popullin tim

ate që e bën edhe për Popullin Tënd”

se

Lutja ime është veprim

e mision

është farë që bimon

e lëshon rrënjë

një ditë prej ditësh

jep dhe frytin që meriton

Më shumë se kaq

s’kisha ç’bëj

frytin e lutjeve t’mia

Përmes Juve

po e shijoj

/QendraPress/