Çaste poetike me poetin;-Idriz Berisha- XHIXHI

VALLËZIM ME KAFKA

——————————-

Po eci honeve si fëmijë i trembur

në kërkim të gjirit të bardhë

Mes fytyrash të maskuara

Hapat numëroj,shumë janë të zbathur

Të tjerët lakuriq si lakuriq nate

Melodi e këputur sivjet

Vallëzim me kafka të bardha

Netëve të gjata .

Në cep nate t’portokalltë

Mbledh copat e harresave të ditës

Ç’kodim i jetës koduar,art memec.

Eshtrat nën dhe trokëllinë.

Kush të thau kështu kafkë?!

Me dy vrima të zeza në ballë.

Fol kafkë

Hesht kafkë!

Sot të fundit herë të pashë

Nga flaka s’të njoha

U trete mes gishtash dhe humbe

Pas shtat bjeshkësh e malësh

Gjeta emrin tënd në rrasë guri

Dhe zërin lugjeve t’perënduara

Lash vallëzimin me kafka të bardha

E me ty u bëmë një.

/QendraPress/