Çaste poetike me poeten:-Ramije UKAJ
NËNA TEREZË
——————–
Kjo hyjneshë nënë e shenjtë
Errësirën të varfërve ua ndriçoi
Me një qiri dhe dritë dashurie
Plagët e shpirtit ua shëroi
Ajo me dorë e prekte skamjen
Në zemër kishte aromën e bukës
Si një engjëll shkonte ngadalë
Rrugëve të varfra të Kalkutës
Ajo është kudo ndër ne
Me fytyrën e saj shenjtore
Secilit i japin ngrohtësi
Duart i saja në përmendore
Në çdo hap e kishte një lutje
Që një shpirt e kthente në jetë
Me frymën e saj engjëllore
Ajo u ngjit në qiell përpjetë.
/QendraPress/
