Çaste poetike me poeten;-Alma MEHMETI

Nostalgji

—————————-

Sa herë kthehem në folenë e vjetër,

Malli më mbyt për rininë e shkuar,

Mes kujtimesh, palosur rri një letër,

Që e kam mbajtur me vete — kurrë harruar.

Rëndon kjo letër, mbushur emocione,

Në një sirtar të zemrës, pluhurosur,

Mbuluar errësirës në hone,

Pas ka lënë shpirtin e plagosur.

Në folenë e vjetër — shtrati mbushur kujtime,

Ku zemra i ka mbyllur me dry çeliku,

Kudo që ka nisur të rejat fluturime,

Një lot të kristaltë i ka ruajtur qerpiku.

Në çdo trishtim zemre, kthehen kujtime,

Ilaçet e jetës s’u bënë ngushëllime.

/QendraPress/