Çaste poetike me poeten;-Valbona HOTI

Ajo që është e shkruar do të ndodhë

———————————————

Në dritën e agimit, fati rri i heshtur,

si fjala në letër, ende e pashkruar.

Era i përzien dëshirat me kujtimet,

por rruga e jetës veç një shteg ka zgjedhur.

Mund të ndalesh, mund të qash, mund të lutesh,

por ajo që është e shkruar, do të ndodhë.

Yjet nuk ndalen për një zemër të thyer,

as koha s’kthehet për një ëndërr që shkonë.

Në duart e Zotit fshihet çdo arsye,

çdo pse që zemra s’e kupton dot.

Pranoje stuhinë, përqafoje dritën,

se ajo që është e shkruar do të ndodhë.

/QendraPress/