Çaste poetike me poeten;-Hatixhe Çollaku ADEMAJ

Unë

————————

Bjeshka, rreljefshkruar nga rrëketë ndër mote,

pyllin e dendur trupit veshur,

damarët rrjedhë — burimesh malore,

dalë nga gjoksi i gurt.

Veç zana e kreshnikë mëkova.

Unë,

rreljefthyera kreshtave,

ku folenizojnë shqiponjat.

Unë, hallemadhja,

nga bora kurrizrënduar

e stuhish rrahur trupit.

Pikë-pikë lotët —

stallaktite shpellash mermeri,

brenda ndërtuar.

Unë, zemërzjarrta,

nga vullkanët dikur,

sot diamant formësuar.

Unë — zemërnana!

/QendraPress/