Çaste poetike me poeten:-Adelina Dardha HASKAJ

Në çudibërje

————————-

Je huazuar e tëra,

bimët të zvarriten fjalëve,

e pranishme është mungesa e gjatë e vetes.

Prangat, të lëshuara përgjysmë mbi lirinë,

tërheqin hijet e poezive të çuditshme

që të bëjnë hije nën qerpikë.

Përplasje,

frymë,

mbetje në hatër,

pak dritë,

përplasje që nuk të vijnë.

Në tulatje,

mbi gjembat e një iriqi,

të është mbledhur top

ngulçima e fundit e ditës.

E mban peshën e vetes.

Je rënduar,

kalimet e moshës të shkasin

nga shiu që paralajmërojnë

sinoptikët të bjerë…

/QendraPress/