Çaste poetike me poeten;-Vildana Dibra ZHUBI

Pa adresë

——————

Si balluket e ballit

Janë renditë

Janë rreshtu

Me ngjyrat ma t’bukura

Adresën me ma drejtu!

Kur rriten e s’nalen

Kjo adresë zhduket

Humb drejtimin

Por jo edhe besimin

Ma mirë pa adresë

Në rrugëtime me shpresë

Mosha nuk don ma adresa

As kohë as orë as ngatrresa !

E ç’randësi ka drejtimi

Ku nisesh

Ku shkon

As ora kur mbrrin

As koha kur ndrron?

Ec….

Thinjat balluket mbulojnë

Adresat nisin rëndojnë !

Mu ndalë mos u ndal !

Ec e mos u ndal

Me hov ose ngadalë

Aty ku jemi nisë

Adresën vet e qendisë

Emnin ja ven po deshte

Me gjylpanën e florinit

Ose me gjethe vjeshte .

Vazhdo, ec

Të gjithë kemi me mbrrit

Në rrugë që nuk ka adresë

Nuk ka ma as orë

As unazën në dorë !

Ec, mos lyp adresë!

Adresa vet ka me m’gjet

Edhe kur se lypi

Edhe kur kam me tret!

/QendraPress/