Fryma poetike e së dielës me poetin;-Bedri HALIMI

ZAHIR PAJAZITI

——————————

Nuk mund të kalohet stuhia pa ty

Tempull i pabraktisur

Ti dashuron përherë

E dritën ke te kryet

Ndarja nga atdheu nuk niset

Pa dhembje të re të plagës së vjetër

Edhe kur njerëzit duan të flenë

Ti bën roje me shpirtin epik

Të mos ketë kambana funeralesh

Nuk e di ç’kohë do të ishte pa ty

Nese dikush qesh me tragjedinë

E Ti kurrë nuk na le vetëm

Ti beson se dielli nuk vritet

Nuk ke lindur për atdhe të tjerë

Nuk duam të jesh kujtim

E tragjedia ta humb udhën

Ti nuk je diell shpërfillës

Ti je shpirt i furtunës

Me ty nuk na vjen vetmia

E kurrë s’do të na gjej

/QendraPress/