Çaste poetike me poeten;-Vjollca ALIAJ
Nën një vorbull të ëmbël
—————————————
Imazhe të thyera të kohës së largët
lodrojnë nëpër qiell,
Kujtime blu…, si rreshtat e letrave të nisura fundjavave,
me aromë dehëse të buzëve,
mes palosjeve.
Letra
Të bardha…, si kjo re, shkon e shuhet malit,
tërhiqet në paqe,
duke më lënë të prehem,
nën tundim të të pashprehurave fjalë, vërtitur e vërtitur…
Mbi këta gurë të bregut ulem.
Para meje vetëm deti,
Letra,
Të bardha…., si valët vinë e venë, çmendurisht bukur,
duke më lënë të prehem,
nën tundim të mallit të shikimeve, shkurtues kilometrash
Imazhe të thyera të kohës së largët,
nën një vorbull të ëmbël,
më bëhen prekje,
duke më kujtuar se Dashuria nuk vdes…
/QendraPress/
