Fryma poetike me poeten:-Manushaqe Hoxha LAÇI

Mungesë

———————–

Kur nata bie mbi qytetin e zbrazët

Dhe fryma ftohet në çdo kujtim

Më vjen në mendje si hije e largët

Një zë i butë mes errësirës me trishtim

Sytë i mbyll, por gjumi s’më zë

Kur pranë s’të kam, nata m’tradhton

Si flakë e zbehtë, që s’më ngroh më

Si mall, që zemrën ma pushton

Çdo hap që hedh më sjell kujtim

N’shpirt më mblidhet një mall i thellë

N’heshtje t’kërkoj me përkushtim

Por ti nuk je, e dhimbje më sjell

Netëve t’gjata tani s’më flet

As hapin tënd se ndjej të vij

Më zgjat mungesa krahë pa jetë

Por zemra të pret, gjithsesi

/QendraPress/