Fryma poetike e së dielës me poeten:-Armenida QYQJA
Liria ime fillon aty!
—————————
Gjaku vrapon si një fëmijë i gëzuar
T’i tregojë tërë qënies, qelizë më qelizë,
Atë çfarë dëgjoi brenda mureve të zemrës:
Jehohën e zërit tënd që “Të dua”
Përsërit në një kohë të pakohë,
Që nuk i përket njeriut dhe ligjeve
Me të cilat ai e ka dënuar vetveten me plakje…
Liria e qënies fillon aty!
Thotë zemra në sinkron të plotë
Me atë që i thotë zëri yt
Aty ku hareshëm gufon aorta…
-ARMENIDA-
Nentor 2025
/QendraPress/
