Çaste poetike me poeten:-Sadbere Gagica SPAHIJA

Mos ik

——————————

Mos ik o vëlla, mos ja kthe shpinën gurit – qëndro!

Mos lësho tokën që u la me gjak të burrit – qëndro!

Prekazi të sheh, të ther me sy të zjarrtë – mos ik!

Ademi të thërret: “Këtu është gjaku yt i drejtë!” – mos ik!

Skënderbeu s’e ngriti shqipen për t’i ikur sot – turp!

As Isa Boletini s’e la vendin nën dhe me lot – turp!

Hasan Prishtina nuk duroi pranga në atdhe – kurrë!

E ti sot largohesh për pesë qindarka me vete – kurrë!

Mos e shit tokën për pagë të ftohtë e hile – mos shit!

Se fëmijët do t’i rritësh pa gjuhë, pa rrënjë, pa shtyllë – pa shpirt!

Kosova nuk është mall që e hedh në valixhe – mbaje!

Është plagë e shenjtë që të djeg kur ti ikën si bishë – mbaje!

Kur ti largohesh, shuhet një dritare në fshat – errësirë!

Bie një zë, një kangjellë, një besë nëpër natë – errësirë!

Hijet e dëshmorëve ngrihen, të shikojnë me mllef – ngrihu!

Të pyesin: “Ku po shkon? Kush do ta mbajë këtë dhe?” – ngrihu!

Qëndro, o vëlla, mos ia fal tokës frymën – qëndro!

Ngrije zërin, ngul këmbët, mos i dorëzo trymën – qëndro!

/QendraPress/