E mërkura poetike me poeten:-Ermira IFANDI
SUPET E HARRESËS
——————————-
Në supet e brishtë të harresës
Mbështes kujtimet e rinisë
Ku çdo pëllëmbë tokë ka një lëndim
Dhe heshtja e lotit më ngushëllon.
Si një shpirt pa ngjyrë,
Pa formë , pa fjalët e dashurisë
Që përshkon gjithë universin
Dhe rrotullohet në boshtin numerik.
Asnjë gjurmë , asnjë kujtim
S’mund të humbasë plotësisht
Do të jetë një shenjë sado e vogël
Të trajtojë dhimbjen , të bëhet betim !
Athinë , më 04.12.2014
