Fryma poetike e së dielës me poeten:- Gjeorgjina KAPAJ

Letër nënës

——————————-

Zog o zog me krahë të shkruar

hapi krahët fluturo!

Kalo dete të trazuar

Mbi direkë rri e pusho

Një letër kam shkruar

Porsi bleta kur mjalton.

Këtë fjalë kaq të bekuar

Mos ma humb mos e lësho!

Është fjala e mjaltuar

Që s’e ndal jo, asnjë shqotë.

Për nënën që shumë e dua

Ashtu më donte dhe ajo.

O, sa shumë më ka munguar

që të flas e që ta shoh.

O kjo pritje e mallkuar

Bëje mirë e mos vono!

Me ty isha më e fortë

Sikur kisha një kështjellë.

Fjala jote më frymëzon

Ma bën jetën si buqetë.

Me ty ecja krah për krah

Fjalën porsi ligj ta kisha.

Se çdo fjalë ishte urate.

Në betejat që i prisja.

Bashkë me ty dhe unë gëzoja

Bashkë kishim dhe trishtimet

Kur me brengë ty të shikoja

Gjumi im merrte shtigjet

/QendraPress/