Fryma poetike e së mërkurës  me poetin;-Fatmir TERZIU

Unë do të lutesha

——————————-

deri në mëngjes,

deri në mesditë,

deri në mbrëmje

të bëja me një magji buzët e tua një kupë

të pi sa të du’,

të dehem,

të kthej në çmendje,

një ritual të njohur vetëm për mu’,

ku të firojnë të gjitha fluturat nga barku,

e unë të strukem në sytë e tu.

E prapë të lutesha,

brenda syve të tu të pushoj,

të lahem,

në ujëvarrat e kësaj ëndrre,

ku prej vitesh të pikturoj,

mos lëviz, të lutem,

e dua qetësinë tënde

peneli i syve përpin ngjyrat nga mendja ime

më prit të digjem në këtë gjëndje

prush në vatër intime

dhe nëse jo, do të dërgoj t

ë çmendurin brenda meje

për të ngritur dolli për ditëlindje.

E prapë të lutesha,

duke u dehur,

sa e bukur është dehja e tranzicionit gri

qershori i qershorëve të çmendur

më ysht të ngrej dolli të ëmbla me ty

jam më i etur,

luaj me trup, me shenja e me sy,

nuk e di pse përhumbem vetvetiu në dritë,

e gjuhët më shembin çdo mit e histori,

jemi vetë Evë dhe Adam këtë ditë,

me perlat që na dorovit hana,

shtrydh sytë,

ngre dolli me buzët e tu Luçiana!

E prapë të lutesha,

të filloj me namazin

do të ishte një besim i shenjtë,

megjithatë, oh! çfarë vjen

në errësirë dhe mes shumë formave të artit

brenda rrahjeve të zemrave të fëmijvë tanë i gjen,

çelësat e Mirësisë dhe Fatit,

atë që Fryma e Shenjtë dërgon çdo mot

me ty dashuria ime

/QendraPress/