Çaste poetike me poeten;-Armenida QYQJA

Si fëmija borën…

———————–

Dëborën e parë të dimrit, pret qyteti,

Ndërsa unë, me sytë nga retë, pres ty,

Peshë çohet zemra si atëherë,

Kur fëmijë, prisnim borën në Tiranë…

S’mendonim kurrë për gishtat e mpirë,

Pas lojës atje jasht, pa dorashka,

Hareja mbushte rrugët e rrugicat,

Të pamundur ardhjen kish’ pendesa…

Ashtu të dua, si fëmija borën,

Magjjnë e bardhë që zbret mbi ne pa fjalë,

Buzët e tua do t’mi ngrohin gishtat

Dhe zemra s’do të ketë ftohtë, asnjë çast…

-ARMENIDA-

/QendraPress/