Çaste poetike me poeten;- Shpresa Gashi ZRRNACI 

KUR DËGJOJ FJALËN SHQIPE

——————————————

Më rastis të dëgjoj njerëzit e mi

shqip tek flasin udhëve këndej,

se si më ndez kjo zemër nostalgji,

më trazojnë shpirtin dhe me ta dua të ndalem.

Të ndërroj ndonjë fjalë a kujtim

nga toka prej nga kam ardhur.

Ah, seç ndjej sa gëzim,

e shqip kur flas sa shumë çmallem!

Çmallem me njerëzit e me pak atdhe

që ata bartin me vete këtu ku janë.

Është gjuha që më bën të ndiej

dhe mallin që për të kam.

/QendraPress/