Poezi festive në ndërrim motmotesh me poetin.-Qazim THAÇI
Nana dhe malli i pafund
———————————
Malli për Nanën është kujtim në orbitë
Është kujtim në sfond të përditshëm si ajri
Cepi i shamisë që fshinte lotët e shumtë
Ende ka aromën e ftonjve dhe aromën e dhembjes
Kujtimi ka peshën e një tonelate loti
Sikur zëri i Sajë që kishte peshën e gëzimit
Ende hija e saj shëtit skutave të mendjes time
Si fletat e mollës të rëna në vjeshtën e vonë
Në magjen e moçme të djegur në luftë
Kujtimet flejnë si në arkivat e antike
Nana çdo natë vije në ëndërr dhe buzëqesh
Për të rikujtuar rritën tonë me bukë kurbeti
Nana ka aromë trëndafili edhe kur në jetë nuk është
Nana ka dashurinë të miksuar në dhembje deri në amshim.
/QendraPress/
