Çaste poetike me poeten:-Ermira IFANDI

GËZUAR !

———————

Ndërrohen vitet .

Koha ndal për një çast frymën

si një zemër që dashuron jetën

dhe pasi ka pushuar

rreh sërish me dashuri.

Hedhur pas krahëve , dyshime, gabime ,

gërvishtje të shpirtit.

Para nesh …

mundësi të reja që ende s’i njohim.

Do të ecim në to pa dhënë shpjegim

me dhimbjet që s’kanë më fajtor.

Me guximin e shpresës që bëhet melhem.

Të mos presim mrekulli.

Mrekullia është shpirti ynë

Dashuria jonë për të marrë

fatin tonë në duar.

Të jetojmë pa frikë,

pa zbukurime

të vërtetën e çdo dite

edhe nëse na gjynjëzon

edhe nëse na përkëdhel.

Mbi fletët e bardha të ëndrrës

të shkruajmë me gjakun tonë .

/QendraPress/