Çaste poetike me poetin:-Murtez ASLLANI

MOS U BËJ MASHË E HUAJ

———————————–

Mashë e huaj mos u bëj

se dikur pendohesh

të këqijat s’kanë fund

edhe ti lëndohesh.

Njerëzit të keqpërdorin

ruaju ti çdoherë,

se shpejt zbulohesh

dhe mbetesh pa nder!

Por një ditë

edhe vetë digjesh,

se ajo mashë

edhe ty t’përgjigjet.

Turpi të mbuloftë

ty që bëhesh mashë e huaj,

i nënçmoni njerëzit

dhe i bëni të vuajnë!

Mos u bëj mashë

se të tjerët luajnë me ty

dhe asnjëherë në jetë

ti s’gjen lumturi!

Ruaju more i mjerë

se Zoti të dënon,

mos u bëj mashë e huaj

se një ditë e pëson!

Shikoji punët tuaja

se kështu është më mirë,

ec gjithmonë kryelartë

dhe jeton i lirë.

/QendraPress/