Çaste poetike me poeten;-Manushaqe Hoxha LAÇI

Pranë jush, vëllezërit e mi!

————————————-

Me ju bashkë u rritëm në një oborr

Me ju bashkë thura ëndrra të bukura

Me ju jam princeshë me kurorë

Me ju bëhem shpesh si flutura

 Pranë jush e preka përherë forcën

Me ju e prek çdo ditë lumturinë

 Marr bekim kur e shkel botën

Pranë jush bëhem lule në lëndinë

Së bashku hedhim hapa në tokë

E marrim bekime nga pragu

 Këngën e përcjellim gojë më gojë

E ngrohim duart te oxhaku

 E shkuan ditët shkuan si lumi

Tani nuk jetoj me në Vajkal

 Po kujtimet më zgjohen mes gjumi

 E bëhem diell me rreze si ar

 Pranë jush bëhem si zana

Bash si lulja thellë zemre

 Me ju, vëllezër, po kap maja

 Pi në gurra me shumë etje

——————

Nga vëllimi im i parë poetik:

 “Në vallen e shpirtit”

/QendraPress/