Fryma poetike e së dielës me poeten;-Valbona R. HADRI

Lutje për të mos u fikur

—————————–

E saktë

Ke hyrë thellë brenda meje

Aty ku fjalët humbin nënkuptimin,

por nënkuptohen.

Areali im është një pasqyrë e mjegullt,

Një dritë që s’ka frikë nga errësira.

Kam vetëm një lutje:

Mos e lejo plakjen të vegjetojë brenda meje.

Unë jam një ëndërr e varur në gozhda kujtimesh.

Pleqëria ime

është një zjarr pa flakë

që e ngroh vetëm hiri.

Ata që i kanë gjërat në rregull

janë të vrarë nga pritjet.

Unë kam mbetur këtu,

në një stacion të harruar,

me autobusë të mbushur prej shpresash të mardhura.

Të falem, ringjallje,

që çdo çast më jep frymë

dhe më nxit të vazhdoj.

/QendraPress/