Fryma poetike e së dielës me poetin;-Refki RESHITAJ
KËNGË E PUSHKË – BASHKË NË LUFTË
( Dëshmorëve Mujë Krasniqi e Beqir Gashi)
——————————————————
Ndër shekuj kudo në shqiptari
Bashkëjetuan dhe bashkëvepruan
Pushkë e Qifteli
Edhe në luftën e fundit
ishin kështu bashkë
Kur tingëllonte teli
Dhe pushka villte flakë
Dy trima t’ lirisë,
dy bilbila t’ Kosovës
Ranë heroikisht n’Pashtrik
N’acarin e ftoftë të dëborës
Komandant Muja dhe sy patremburi Beqir
Të vdesësh për Atdhe
A ka vdekje më të mirë ?
Krenar me ju
Deri në amshim
Për këngët që na i latë
Dhe na sollët LIRINË !
/QendraPress/
