Fryma poetike e së dielës me poetin;-Refki RESHITAJ
MONOLOG I GJYSHIT ME NIPIN
——————————————
Keq, boll keq mor bir
Kemi pritë, e kemi pas qef shumë ma mirë
Një shekull i pritëm këto ditë
E çfarë po ndodh me ne,asht për t’u habitë ?!
E kishim të vështirë, në skamje e varfëni
Rrugëve të botës, e shpesh edhe shërbëtorë nëpër Serbi
Sa shumë kanë vuajtur baballarët tanë
Prej torturave nëpër burgje edhe jetën e kanë dhanë
Por, gjithmonë JO robërisë i kanë thanë !
Dhe erdhi koha, që me armë në dorë
Nga toka jonë, armikun me e shporrë
Besa… edhe të fortit shumë na ndihmun
Derisa agresorin e përzumë !
Por, tash or bir ç’po ndodhë me ne
Kaq urrejtje mes veti pse, pseee… ?!
Dikush milionerë me pasuni
E shumë të tjerë, deri në ekstremë varfëni ?!
Me meritë… edhe pavarësinë e fitum
Por, a do mund e mbajmë, s’ po e di as unë ?!
Këto përçarje e inate ku po na çojnë ?
Edhe dëshmorët në varre po na mallkojnë !
Prandaj, ndaluni dhe vëni gishtin në kokë
Ku erdhëm e ku do të shkojmë dot
Lidhni besë, si n’ kohën e Skënderbeut
Se asgjë s’ ka më me vleftë, se sa liria e Atdheut !
/QendraPress/
