Çaste poetike me poeten:-Ymrije BEQIRI

LIGJI KOTË NË LETËR

————————————

Ligji rri i varur në mur

si pikturë pa ngjyra

në letër flet për drejtësi

në jetë hesht e mbyllet sirtar

Në libra shkruhet barazia

në rrugë sundon padrejtësia

fjalët janë të arta në faqe

veprat të varfra në shoqëri

Në gjykatë rri ligji drejt

por në zemra s’ka peshë as fjalë

i forti ecën pa u ndalur

i dobëti mbetet në baltë

Ligji kotë në letër mbetet

kur s’ka ndërgjegje në shpirt

se drejtësia s’është veç shkronjë

po guxim për ta bërë dritë .

/QendraPress/