Çaste poetike me poeten;-Fitore HAKLAJ

QERPIKU

——————

Nën hijen e qerpikut tim

loti nuk vajton

Kur kujtimi humb udhën e vet

ti për mua vallëzon.

Trokit në derën e harruar

Duke pritur të thahet ai parfum

Aroma jote aty kishte mbetur

Qerpikun tim për ta ledhatuar.

U humbëm në vite të tëra

Pa e vrarë shpresën në shpirt

Ndoshta një ditë dallëndyshja e pranverës

Do të na falë një ditë vere të dlirë.

Në sytë e tu e pashë lamtumirën

Por sytë e mi nuk e pranonin

Nga dridhja e buzës sate

Më thuaj, si të largohem unë.

Qerpik, mos u dorëzo

Le ta rrahim bashkë edhe kohën

Ti me duar më ledhato mua

E unë do ta fshij lotin.

/QendraPress/