Çaste poetike me poeten:-Valbona  HADRI

 Lëri gjërat të rrjedhin

——————

Mos u lodh t’ia ndalësh lumit rrjedhën,

ai do ecë siç është mësuar.

Rrjedha e tij është vetë kjo jetë

që nuk njeh kurrë të mbaruar.

Asgjë nuk është e përjetshme,

gjithçka që lind një ditë, do të vdesë.

Ditët vdesin në çdo mbrëmje

dhe rilindin çdo mëngjes.

Njeriu i fortë është një copë shkëmb,

është mësuar të durojë.

Duron plagën që i dhëmb

dhe me Zotin flet me gojë.

Askush nuk e njeh të nesërmen,

të papriturat që vijnë.

E megjithatë ne ëndërrojmë

dhe shpërndajmë ngado mirësinë.

Se jeta kështu është ndërtuar,

lumë me valë që gurgullon.

Një pjesë ikin, një pjesë vijnë,

dikush qan, dikush gëzon.

O njeri, pranoje jetën,

jetoje sa ke mundësi.

Të gjithë lumenjtë derdhen në dete,

çdo fund ka fillim të ri.

/ QendraPress/