Çaste poetike me poeten;-Selvije SHIJAKU

Reçaku Nuk Mohohet

———————————-

Në Reçak u vra njeriu me qëllim,

jo në luftë, por në prag shtëpie.

Plakë e fëmijë ranë përdhe,

dhe bota pa – Serbia mohoi.

Të mohosh krimin është krim i dytë,

është pushkë mbi varr, fyerje mbi gjak.

Por toka e Kosovës flet shqip,

dhe Reçaku s’fshihet me asnjë akt.

Ju që mohoni, e dini të vërtetën,

se gjaku s’është trill, as inskenim.

Historia ka sy, ka kujtesë,

dhe krimi mbetet krim.

Reçaku është aktakuzë e përjetshme,

jo kundër një populli, por kundër së keqes.

E vërteta rri në këmbë,

edhe kur gënjeshtra bërtet fort.

S.Shijaku

/QendraPress/