Çaste poetike me poeten;- Dava Gjoka LLESHAJ

SI S’U LODHËT, GOJË TË LIGA ?!

——————————————-

Fjalët që thuhen pas shpine ,

kurrë s’i kam dëgjuar

“Se vijnë larg e larg prej Kine “,

fjalë e fjalë duke u shtuar

Dikush flet një fjalë për ty,

dhe të mirë në e pastë thanë

Sa të vijë deri tek ti ,

njëmijë të zeza brenda janë.

Fjala e keqe e merr dhenë ,

kur e thotë dikush për ty

Gojët e liga kur ta bjenë ,

nga një fjalë ,bëhet njëmijë .

E gatuhen n’gojë të liga ,

t’mira e t’këqija të gjitha bashkë

Thashetheme u shkon dita ,

T’thashë e m’the, më the e t’thashë .

Ndaj kujdes ,ti ,o njeri ,

ke ,çfar ke , thuaje përballë

Gojëve t’liga mos me u hy,

mos e vrit askend me fjalë !

Të gjitha fjalët që bredhin rrugës ,

bëhen pis n’duar t’palara

Mos i bëftë mirë copa e bukës ,

gojës keqe iu zhduktë fara .

/QendraPress/