Çaste poetike me poeten;-Ermira IFANDI

SI NJË LETËR PA PËRGJIGJE

——————————————–

Ti je aq e bukur,

sa thuhet për Helenën e Trojës,

aq e natyrshme,

si heshtja që pason një puthje.

Ti je po aq e thjeshtë,

si një shëtitje përgjatë lumit,

ku poeti thith frymëzim

dhe netëve bën dashuri me vargun.

Ti je po aq e ndjerë dhe e largët,

si dashuria e Tatjanës për Onjeginin,

si deti në pritje të hënës,

si një letër pa përgjigje.

Athinë, më 07.05.2025

Ermira D. Ifandi

/QendraPress/